2019 波蘭華沙唱錢攻略 Kantor Rotunda

如果要喺波蘭華沙唱錢，建議大家可以喺Kantor Rotunda 唱錢。

如果大家要喺機場落,可以先唱大約5 Euro( 即係大約20 pln左右) 確保你有錢搭巴士去華沙中心，一程巴士大概3.4pln，5euro已經係綽綽有餘。雖然機場係有找換店(Money Exchange)，但係個rate超低，極度唔化算。

Kantor Rotunda (請按這裏)

我建議大家可以喺Kantor Rotunda 唱錢，佢係我見過最抵唱錢嘅舖頭，同埋喺正華沙中心，好容易搵，有品牌，有口碑。佢係唔需要收Commission。雖然佢可以轉好多款匯率(包括美金、港紙、人民幣、日元......)，大家可以先唱Euro，再用Euro對 PLN，咁樣會唱得多啲。一蚊波幣等於兩蚊港紙左右...

地址: near station Metro Centrum, Office number 33 (P.S. : 即係入咗地下隧道 Rotunda 入面，係一個圓形嘅隧道，行下行下你就會發現Kantor Redar)

檢視較大的地圖

營業時間:

Monday-Friday: 8:00-20:00
Saturday: 9:00-15:00

第二間分店都喺隧道入面，兩間喺兌換率係冇分別嘅，分別係啲營業時間。

地址: near station Metro Centrum, Office number 34A

檢視較大的地圖

營業時間:

Monday-Friday: 10:00-18:00

呢間已經係我見到最抵唱錢嗰間! 雖然你都可以喺 Zloty Tarasy (金色梯田) 最底嗰層搵到間找換店, 但係兌換率係冇咁好。

再唔係喺舊城區都有一啲找換店，但係我會冇咁有信心，怕收到偽鈔。

其實華沙周圍都有找換店, 要去搵唱錢係唔難嘅，見到個名寫"Kantor" 即係找換店。

作為香港遊客，強烈建議大家身上帶返幾個散銀，因為佢哋搭車都係用信用卡畀錢，但係香港嘅信用卡係買車票啲機係俾唔到錢嘅。。。。。。。

想知原因可以睇下我下一篇blog

但係喺budget方面，又真係唔使預咁多，一餐晚飯普普通通可以40-60蚊HKD就落到樓，如果要豪食，每人大概一百蚊都可以㗎啦，喺食方面同香港價格差唔多。搭車方面都好抵搭，3.4pln (大約港紙$6.8)已經可以搭到一程20分鐘巴士，通常你都係喺返市區入面玩，所以20分鐘係冇問題嘅。而住嘅話，因為我通常都係住hostel，每晚大約80HKD已經有一張床位。但係如果同屋企人去想住得好啲，三四百蚊HKD一間房，有獨立廁所獨立電視，已經好好。

同埋好多地方: 餐廳、商場、酒店、搭車都收card，所以大家唔使唱得好多，唔夠就比卡。